السلام ليكم ورحمة اله وبركاته .
** أخوانى واخواتى احب اتكلم فى موضوع شائك ايوة شائك بمعنى يترتب عليه مصير أمه هتقولو ببالغ لاء مش ببالغ طيب تعالوا نشوف الموضوع .
* احب ان ابدأ حديثى بحديث للنبى ( صلى الله عليه وسلم ) (( من تشبه بقوم فهو منهم )) .
* بدون مبالغه انا ساعات كتير بشوف شباب من ظهرهم بفتكرهم بنات ولما اشوف وشه يطلع ولد والعكس مع البنات وبحس بإشمئزاز منهم اااه والله بصراحه بإشمئزاز . يعنى لما اشوف ولد لابس سلسله فى رقبته مش عارف عامل شعره ازاى لابس بنطلون ياإما هيقع منه ياأما محزق وفرحان بالموبايل ولو كان فيه عربيه بتاعه دادى وعاطى امر cancel للدنيا وللى فيها المهم عنده الروشنه والشله اللى شبهه بصراحه انا مقبلش اكون واقف حتى مع واحد زى ده طيب ده بالنسبه للولد طيب والبنات دول بقى حكايتهم حكايه البنت من دول لابسه بنطلون مش عارف مستحملاه ازاى انا مش عارف وشرحه البادى طيب لما نيجى نسأل البنات بيعملو كده ليه اقولك مش عارف ياترى انت عارف بس اكيد هما عارفين واكيد هيطلع السبب يكسف او الرد اللى ممكن يردو بيه يكسف طيب النوع ده سيبك منه طيب ولما تشوف بنت لابسه حجاب ( طرحه ) ولابسه بنطلون محزق او او جيبه لغايه الركبه طيب ايه لازمته الحجاب عياقه منظرة بصراحه مش عارف . طيب نقطه كمان لما تشوف الاب ملتحى والحمد لله وماشى مع بنته وهى بالشكل ده تقول ايه انا عن نفسى اقول ( ربنا يمهل ولايهمل ) انا مش هدخل فى الاسباب اللى بتوصل الشاب والفتاه للمرحله ؟ دى وليه ؟ ومين السبب ؟ والحل ؟ وانا وانت دورنا ايه ؟ قال رسول الله ( صلى الله عليه وسلم ) (( من رأى منكم منكراً فليغيره فمن لم يستطع فبلسانه فمن لم يستطع فبقلبه )) وانا متعمد اسيب اجابه الاسئله دى عشان نناقشها مع بعض وكل واحد فينا تكون له المساحه اللى يطرح فيها حلوله وتعليقاته عن الموضوع ده . وكمان انا اتعمدت اكتب الموضوع بالعاميه عشان تحسوا معايا الموضوع زى ما انا حاسه من غير تجميل وتنسيق فيه .
موضوع: شباب الهُبه 
الخميس فبراير 21, 2008 10:43 am
